അൽ­- ഖമീസ് മോ­സ്കിൽ സന്ദർ­ശക കേ­ന്ദ്രം തു­റന്നു­


മനാമ: ചരിത്ര പ്രസിദ്ധമായ അൽ ഖമീസ് മോസ്‌കിൽ പുതിയ സന്ദർശക കേന്ദ്രം ഉദ്ഘാടനം ചെയ്തു. കിരീടാവകാശിയും ഡെപ്യൂട്ടി സുപ്രീം കമാണ്ടറും ആദ്യ ഉപപ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ ഇന്നലെയാണ് സന്ദർശക കേന്ദ്രത്തിന്റെ ഉദ്‌ഘാടനം നിർവ്വഹിച്ചത്. 

ബഹ്റിൻ്റെ സന്പന്നമായ ദേശീയതയെ പ്രശംസിച്ച അദ്ദേഹം രാജ്യത്തിലെ മോസ്കുകളിലെ ഇസ്ലാമിക വാസ്തുവിദ്യയെയും, ചരിത്ര പ്രാധാന്യം അർഹിക്കുന്ന കെട്ടിടങ്ങളെ പറ്റിയും സംസാരിച്ചു. ഇത് ലോക സംസ്കാരങ്ങൾക്കിടയിൽ ബഹ്റിന്റെ സ്ഥാനം ഊട്ടിയുറപ്പിക്കുമെന്നും അദ്ദേഹം വ്യക്തമാക്കി. രാജ്യത്തിന്റെ ആചാരങ്ങൾ ബഹ്റിൻ സംസ്കാരത്തിന്റെ പ്രധാന കണ്ണിയാണെന്നും അദ്ദേഹം കൂട്ടിച്ചേർത്തു. അതു തുടർന്ന് കൊണ്ടുപോകുന്നതിൽ രാജാവിന്റെ പിന്തുണയെ പറ്റിയും അദ്ദേഹം വ്യക്തമാക്കി. 

ബഹ്റിൻ അതോറിറ്റി ഫോർ കൾച്ചർ ആൻഡ് അതോറിറ്റി(ബി.എ.സി.എ)യുടെ പ്രവർത്തനങ്ങളെയും അദ്ദേഹം പ്രശംസിച്ചു. ചരിത്ര പ്രധാന്യം അർഹിക്കുന്ന സ്ഥലങ്ങളെ പരിപാലിക്കുന്നതിലും അൽ ഖമീസിൽ പുതുതായി നിർമ്മിച്ച സന്ദർശക കേന്ദ്രത്തിന്റെ നിർമ്മിതിയിലുമുള്ള അതോറിറ്റിയുടെ പങ്കിനെ പറ്റിയും വിദ്യാഭ്യാസരംഗത്തും ശാസ്ത്ര്രെയ രംഗത്തും ചരിത്രത്തിലുടനീളം മോസ്കുകൾ വഹിക്കുന്ന പങ്കിനെ പറ്റിയും കിരീടാവകാശി പ്രതിപാദിച്ചു. 

ബി.എ.സി.എ പ്രസിഡണ്ട് ഷെയ്ക്കാ മൈ ബിന്ത് മുഹമ്മദ് അൽ ഖലീഫ, അൽ ഖമീസ് പ്രദേശത്തെ ഗവേഷകൻ, പുരാവസ്തു പ്രൊഫസർ ഡോ. തിമോത്തി ഇൻസോൾ എന്നിവർ അൽ ഖമീസ് മോസ്കിന്റെ പുതിയ സന്ദർശക കേന്ദ്രത്തിനെ പറ്റി നടത്തിയ ഒരു അവതരണവും പ്രിൻസ് സൽമാൻ നിരീക്ഷിച്ചു. 

അവതരണത്തിൽ വിവിധ ഇസ്ലാമിക സ്മാരകങ്ങളെ കുറിച്ചും ആർക്കിയോളജിക്കൽ വിവരങ്ങളെ പറ്റിയും പ്രധാനമായി വിശദീകരിച്ചു.

You might also like

Most Viewed