പബ്ജി ഔട്ട്! ഇനി ഫൗജി


ന്യൂഡൽഹി: കഴിഞ്ഞ വർഷം പകുതിയോടെയാണ് ഗെയിമിങ് ആരാധകരെ നിരാശയിലാഴ്ത്തി പ്രശസ്ത മൊബൈൽ ഗെയിം പബ്ജിയെ കേന്ദ്ര സർക്കാർ നിരോധിച്ചത്. അതെ സമയം സെപ്റ്റംബറിൽ ബോളിവുഡ് നടൻ അക്ഷയ് കുമാറിന്റെ നേതൃത്വത്തിൽ മൾട്ടിപ്ലെയർ ആക്ഷൻ ഗെയിം 'ഫിയർലെസ്സ് ആൻഡ് യുണൈറ്റഡ്: ഗാർഡ്‌സ് (FAU-G)' പ്രഖ്യാപിച്ചതോടെ ഗെയിമിംഗ് ആരാധകർ വീണ്ടും പ്രതീക്ഷയിലായി. ബെംഗളൂരു ആസ്ഥാനമായി പ്രവർത്തിക്കുന്ന എൻകോർ ഗെയിംസ് ആണ് ഫൗജി (ഹിന്ദിയിൽ സൈന്യം, പട്ടാളക്കാരൻ എന്ന അർത്ഥമുള്ളത് യാദൃശ്ചികമല്ല) ഗെയിം തയ്യാറാക്കുന്നത്. ഒക്ടോബർ അവസാനത്തോടെ ഗെയിം തയ്യാറാവും എന്നാണ് പ്രഖ്യാപിച്ചിരുന്നതെങ്കിലും അതുണ്ടായില്ല.

നവംബർ 30−ന് പ്രീ−റെജിസ്ട്രേഷൻ ആരംഭിച്ചതോടെ ഗെയിം ഉടൻ ഡൌൺലോഡ് ചെയ്യാൻ തയ്യാറാവും എന്ന റിപോർട്ടുകൾ ആരംഭിച്ചെങ്കിലും പിന്നെയും വൈകി. ഒടുവിൽ കഴിഞ്ഞ ദിവസം ആണ് എൻകോർ ഗെയിംസ് ലോഞ്ച് തിയതി പ്രഖ്യാപിച്ചത്. ഈ മാസം 26−ന് റിപ്പബ്ലിക് ദിനത്തിൽ ഫൗജി ഗെയിമിന്റെ ലോഞ്ച് നടക്കും. പ്രഖ്യാപനത്തോടൊപ്പം, ഗെയിമിന്റെ ആൻതം സോങ് വിഡിയോയും എൻകോർ ഗെയിംസ് പുറത്തുവിട്ടിട്ടുണ്ട്. ഒരു മിനിറ്റ് 38 സെക്കന്റ് ദൈർഖ്യമുള്ള ആൻതം സോങ് വിഡിയോയിൽ ചൈനീസ് പട്ടാളക്കാരെ തുരത്തിയോടിക്കുന്ന ഇന്ത്യൻ പട്ടാളക്കാർ ആണ് പശ്ചാത്തലം.

You might also like

Most Viewed