റമദാൻ വിഭവം - ഇറച്ചി പത്തിരി


വളരെ സ്വാദേറിയ ഒരു നോമ്പ് തുറ വിഭവമാണ് ഇറച്ചി പത്തിരി. ഇത് വളരെ പെട്ടെന്ന് തയ്യാറാക്കാനും കഴിയും...

ആവശ്യമായ സാധനങ്ങൾ

ചിക്കൻ: 1/2 കിലോ

ആട്ട: 1/2 കപ്പ്

മൈദ: 1/2 കപ്പ്

സവാള: 1 (ചെറുതായി അരിഞ്ഞത്)

പച്ചമുളക്: 2 (അരിഞ്ഞത്)

ഇഞ്ചി: 1/2 ടീ സ്പൂൺ (അരച്ചത്)

വെളുത്തുള്ളി: 1/2 ടീ സ്പൂൺ (അരച്ചത്)

കറിവേപ്പില: 1 തണ്ട്

മല്ലിയില: 2 തണ്ട് (അരിഞ്ഞത്)

ഉപ്പ്: ആവശ്യത്തിന്

വെളിച്ചെണ്ണ: ആവശ്യത്തിന്

മഞ്ഞൾപൊടി: 1/4 ടീ സ്പൂൺ

മുട്ട: 3 എണ്ണം

കുരുമുളക്പൊടി: 1/2 ടീ സ്പൂൺ

പാചകം ചെയ്യുന്ന രീതി

ആട്ടയും മൈദയും ആവശ്യത്തിന് ഉപ്പ് ചേർത്ത് വെള്ളമുപയോഗിച്ച് കുഴച്ചിട്ട് പത്തുമിനിട്ട് നേരം വെയ്ക്കുക. അതിനുശേഷം ചപ്പാത്തി പരത്തുന്നപോലെ പരത്തിവെയ്ക്കുക. ചിക്കൻ മഞ്ഞൾപൊടിയും ഉപ്പുമിട്ട് വേവിക്കുക. ചൂടാറിയതിനുശേഷം മിക്സിയിലിട്ട് ചതച്ചെടുക്കുക. പാനിൽ എണ്ണയൊഴിച്ച് സവാളയിട്ട് വഴറ്റുക. അതിലേക്ക്പച്ചമുളക്, ഇഞ്ചി, വെളുത്തുള്ളി, മല്ലിയില, വേപ്പില അൽപം ഉപ്പ് ഇവ ചേർത്ത് വഴറ്റുക. അതിലേയ്ക്ക് ചതച്ച ചിക്കൻ ഇട്ട് നന്നായി യോജിപ്പിക്കുക.ഓരോ ചപ്പാത്തിയുമെടുത്ത് അതിനുള്ളിൽ മസാല വെച്ച് അതിനുമുകളിൽ മറ്റൊരു ചപ്പാത്തിവെച്ച് അരിക് മടക്കി ഒട്ടിച്ചുവെയ്ക്കുക.ഇത് ചൂടാക്കിയ എണ്ണയിൽ മുക്കിപൊരിച്ചെടുക്കുക. മുട്ടയും കുരുമുളകുപൊടിയും ഉപ്പും ചേർത്തടിച്ച മിശ്രിതത്തിൽ ഈ പൊരിച്ച ചപ്പാത്തി മുക്കി ഒന്നുകൂടി ചെറുതായൊന്നു മൊരിച്ചെടുക്കുക.

 

You might also like

Most Viewed