ഗിന്നസ് വേള്‍ഡ് റെക്കോര്‍ഡ് ലഭിച്ച ലോകത്തിലെ ഏറ്റവും ചെറിയ മനുഷ്യൻ അന്തരിച്ചു


കഠ്മണ്ഡു∙ ഗിന്നസ് വേള്‍ഡ് റെക്കോര്‍ഡ് ലഭിച്ച ലോകത്തിലെ ഏറ്റവും ചെറിയ മനുഷ്യന്‍ നേപ്പാളിലെ ആശുപത്രിയില്‍ വെള്ളിയാഴ്ച അന്തരിച്ചു.  67.08 സെന്‍റിമീറ്റര്‍ (2 അടി 2.41 ഇഞ്ച്) ഉയരമുള്ള ഖഗേന്ദ്ര താപ മഗാര്‍, കാഠ്മണ്ഡുവില്‍ നിന്ന് 200 കിലോമീറ്റര്‍ അകലെയുള്ള പോഖാറയിലെ ആശുപത്രിയില്‍ വച്ചാണ് ന്യുമോണിയ ബാധിച്ച് മരിച്ചത്. മാതാപിതാക്കളോടൊപ്പമാണ് ഖഗേന്ദ്ര  താമസിച്ചിരുന്നത്. ന്യൂമോണിയ രോഗം ബാധിച്ച ഖഗേന്ദ്ര പല പ്രാവശ്യം ആശുപത്രിയില്‍ ചികിത്സ തേടിയിരുന്നു. എന്നാല്‍ ഇത്തവണ ന്യൂമോണിയ  ഹൃദയത്തെയും ബാധിച്ചതാണ് മരണകാരണമെന്ന് സഹോദരന്‍ മഹേഷ് താപ്പ മാഗര്‍ പറഞ്ഞു.

article-image

പതിനെട്ടാം പിറന്നാളിന് ശേഷം 2010 ലാണ് ഖഗേന്ദ്രയെ ആദ്യമായി ലോകത്തിലെ ഏറ്റവും ചെറിയ മനുഷ്യനായി പ്രഖ്യാപിച്ചത്. 54.6 സെന്‍റിമീറ്റര്‍ ഉയരമുണ്ടായിരുന്ന നേപ്പാളിലെ ചന്ദ്ര ബഹാദൂര്‍ ഡാംഗിയായിരുന്നു ലോകത്തിലെ ഏറ്റവും ചെറിയ മനുഷ്യനായി ഗിന്നസ് ബുക്ക് പ്രഖ്യാപിച്ചിരുന്നത്. അന്ന് ഖഗേന്ദ്രയ്ക്ക് കിരീടം നഷ്ടപ്പെട്ടിരുന്നു. എന്നാല്‍, 2015 ല്‍ ഡാംഗിയുടെ മരണശേഷം ഖഗേന്ദ്ര വീണ്ടും കിരീടം നേടി. 

 

article-image

ലോകത്തിലെ ഏറ്റവും ചെറിയ  മനുഷ്യന്‍ എന്ന നിലയില്‍ ഈ  27 കാരന്‍ ഒരു ഡസനിലധികം രാജ്യങ്ങളില്‍ സഞ്ചരിച്ചിട്ടുണ്ട്. യൂറോപ്പിലും അമേരിക്കയിലും ടെലിവിഷന്‍ ഷോകളില്‍ പ്രത്യക്ഷപ്പെട്ടിട്ടുണ്ട്. ഇന്ത്യയില്‍ നിന്നുള്ള ഏറ്റവും ചെറിയ സ്ത്രീ ജ്യോതി ആംഗെ ഉള്‍പ്പെടെ ലോകമെമ്പാടുമുള്ള മറ്റ് ചെറിയ വ്യക്തികളെയും ഖഗേന്ദ്ര കണ്ടുമുട്ടിയിട്ടുണ്ട്. 

 

article-image

ഖഗേന്ദ്രയുടെ മരണവാര്‍ത്ത നേപ്പാളില്‍ നിന്നു കേട്ടതില്‍ ഞങ്ങള്‍ക്ക് വളരെ സങ്കടമുണ്ടെന്ന് ഗിന്നസ് വേള്‍ഡ് റെക്കോര്‍ഡ് എഡിറ്റര്‍ ഇന്‍ ചീഫ് ക്രെയ്ഗ് ഗ്ലെന്‍ഡെ ബിബിസിയോട് പറഞ്ഞു. വെറും 6 കിലോഗ്രാം ഭാരമുള്ള ഒരാളുടെ ജീവിതം വെല്ലുവിളി തന്നെയാണ്. ഒരു ശരാശരി മനുഷ്യന്റെ ജീവിതത്തിലേക്ക് അതു പൊരുത്തപ്പെടുകയില്ല. പക്ഷേ, തന്‍റെ ചെറിയ വലിപ്പം ജീവിതത്തില്‍ ഒരു പ്രതിസന്ധിയാകാന്‍ ഖഗേന്ദ്ര അനുവദിച്ചിരുന്നില്ല,’  അദ്ദേഹം പറഞ്ഞു.

You might also like

Most Viewed