Newsmill Media

വീണ്ടുമൊരു പ്രവാസിദിനമെത്തുന്പോൾ...
07-Jan-2017


പ്രദീപ് പുറവങ്കര

വീണ്ടുമൊരു പ്രവാസി ഭാരതീയ ദിവസിന് ബംഗളൂരുവിൽ കൊടികയറിയിരിക്കുന്നു. ഏകദേശം നാലായിരത്തോളം പ്രതിനിധികൾ ലോകത്തിന്റെ പലയിടങ്ങളിൽ നിന്നായി ഈ ഒരു സമ്മേളനത്തിൽ പങ്കെടുമെന്നാണ് അറിയുന്നത്. നേരത്തേ ഓരോ വർഷവും അരങ്ങേറിയിരുന്ന സമ്മേളനം എൻഡിഎ ഗവൺമെന്റ് വന്നത് മുതൽ രണ്ട് വർഷത്തിലൊരിക്കലാക്കി മാറ്റുകയായിരുന്നു. പ്രധാനമന്ത്രി നരേന്ദ്രമോഡി ഉദ്ഘാടനം ചെയ്യുന്ന സമ്മേളനത്തിൽ നിരവധി കേന്ദ്ര മന്ത്രിമാരും, സംസ്ഥാന മുഖ്യമന്ത്രിമാരും, വിദേശ രാജ്യങ്ങളിൽ നിന്നുള്ള പ്രമുഖരും പങ്കെടുക്കുന്നുണ്ട്. ഒന്പതാം തീയതി നടക്കുന്ന സമാപന സമ്മേളനത്തിൽ തെരഞ്ഞെടുക്കപ്പെട്ട 30 പേർക്ക് രാഷ്ട്രപതി പ്രണബ് മുഖർജി പ്രവാസി ഭാരതീയ സമ്മാൻ അവാർഡ് സമ്മാനിക്കും. 

പതിനാലാമാത്തെ തവണയാണ് ഈ ചടങ്ങ് അരങ്ങേറുന്നത്. ചടങ്ങ് എന്ന് വിളിച്ചത് പലപ്പോഴും ഈ മൂന്ന് ദിവസങ്ങൾ കെട്ടുകാഴ്ച്ചകളായിമാറുന്നത് കൊണ്ട് തന്നെയാണ്. ഭാരതത്തിനപ്പുറത്തേയ്ക്ക് തങ്ങളുടെ ജീവിതത്തെ പറിച്ചുനട്ടവരെയാണ് പ്രവാസി ഭാരതീയരായി പൊതുവേ കണക്കാക്കുന്നത്. അതിൽ തന്നെ വലിയൊരു വിഭാഗം മധ്യേഷ്യ അഥവാ മിഡിൽ ഈസ്റ്റ് രാജ്യങ്ങളിൽ വസിക്കുന്നവരാണ്. ഇവരിൽ എഴുപത് ശതമാനം വരുന്ന പ്രവാസികളും പണകൊഴുപ്പിന്റെ മേളയായിട്ട് തന്നെയാണ് ഇന്ന് ആരംഭിക്കുന്ന പ്രവാസി ഭാരതീയ ദിവസങ്ങളെ കാണുന്നത്. പ്രവാസികളായ ശതകോടീശ്വരൻമാരുടെ പഞ്ചനക്ഷത്ര നേരംപോക്കായി ഈ ദിവസങ്ങളെ കണക്കാക്കാനെ അവർക്ക് സാധിക്കൂ. 

ഗൾഫ് മേഖല സമീപകാലങ്ങളിൽ ഒന്നും അനുഭവപ്പെടാത്ത സാന്പത്തിക മാന്ദ്യത്തിലൂടെ കടന്നു പോകുന്ന നേരമാണിത്. 2016ൽ വലിയ സ്ഥാപനങ്ങളുടെ വീഴ്ച്ച ഗൾഫ് നാടുകൾ ഏറെ കണ്ടിരിക്കുന്നു. അതിന്റെ ഭീതിയുമായാണ് 2017ലേയ്ക്ക് കാലെടുത്തുവെച്ചിരിക്കുന്നത്. ഈ സാഹചര്യത്തിൽ മൂന്ന് ദിവസങ്ങളിലായി നടക്കുന്ന സമ്മേളനത്തിൽ ഗൾഫ് നാടുകൾ നേരിടുന്ന പ്രതിസന്ധികളെ പറ്റി പ്രത്യേകം ചർച്ച ചെയ്യാൻ അവസരമില്ല എന്നതാണ് ഇത്തവണത്തെ പ്രവാസി സമ്മേളനത്തിന്റെ ഒരു പോരായ്മ. ചർച്ച ചെയ്തത് കൊണ്ട് എന്ത് ഫലം കിട്ടാൻ എന്ന ചോദ്യമുയരാമെങ്കിലും അധികാരികളുടെ ചെവിയിൽ നേരിട്ട് കാര്യങ്ങളെ ബോധ്യപ്പെടുത്താൻ ഇത്തരമൊരു സെഷൻ ഉപകരിക്കുമായിരുന്നു. അതുപോലെ തന്നെ നോട്ട് പിൻവലിക്കലുമായി പ്രവാസികൾ അനുഭവിക്കുന്ന പ്രയാസങ്ങൾ ഈ സമ്മേളനത്തിൽ ഉയരുമെന്ന് പ്രതീക്ഷിക്കാം. 

ബഹ്റിനടക്കമുള്ള രാജ്യങ്ങളിൽ നിന്ന് നിരവധി പേർ പ്രവാസി സമ്മേളനത്തിന് പോയിട്ടുണ്ടെന്ന് മനസിലാകുന്നു. ഇന്ത്യൻ എംബസിക്ക് വേണ്ടി നിർമ്മിച്ചു കൊണ്ടിരിക്കുന്ന പുതിയ കെട്ടിടം ഈ വർഷമെങ്കിലും പ്രവർത്തന സജ്ജമാക്കാനും, ബഹ്റിനിലെ ജയിലുകളിൽ വിവിധ കേസുകളിൽ ശിക്ഷിക്കപ്പെട്ട് വർഷങ്ങളായി കഴിയുന്ന മലയാളികളടക്കമുള്ള ഇന്ത്യക്കാരെ നാട്ടിലെത്തിക്കാനുള്ള ശ്രമവും സമ്മേളനത്തിന് പോയിട്ടുള്ളവർ നടത്തുമെന്ന് ആശിക്കുന്നു. അതുപോലെ തന്നെ ബഹ്റിനിലെ ആശുപത്രികളിൽ ബഹ്റിൻ ഗവൺമെന്റിന്റെ സന്മനസ് കാരണം കഴിയുന്ന നിരവധി ഇന്ത്യക്കാരുണ്ട്. ഇവരെ നാട്ടിലെത്തിക്കാനും തുടർചികിത്സകൾ നൽകാനും സാധിക്കേണ്ടതുണ്ട്. അതൊടൊപ്പം ബഹ്റിനിൽ നിന്നും അർഹിക്കുന്ന ഒരു പ്രതിനിധിക്കെങ്കിലും ഇത്തവണത്തെ പ്രവാസി ഭാരതീയ സമ്മാൻ ലഭിക്കാൻ അവസരമുണ്ടാകട്ടെ എന്നും ആഗ്രഹിക്കുന്നു. അത് ബഹ്റിനിലെ ഊർജ്വസലരായ മൊത്തം പ്രവാസി സമൂഹത്തിനും വേണ്ടിയുള്ളതായി മാറട്ടെ!!  


Related Articles

വേണ്ടത് ബോധവത്കരണം...
Mar 01

വേണ്ടത് ബോധവത്കരണം...

പ്രദീപ് പുറവങ്കര മലയാള നാട്ടിൽ പീഢനകഥകൾക്ക് യാതൊരു ക്ഷാമവുമില്ല. കഴിഞ്ഞയാഴ്ച്ച ഒരു നടിയായിരുന്നു പീഢന കഥയിലെ...

Read More
വെറുപ്പ് എന്ന രോഗാണു...
Feb 28

വെറുപ്പ് എന്ന രോഗാണു...

പ്രദീപ് പുറവങ്കര ഈ ലോകത്ത് ഏറ്റവും അപകടരമായ രോഗാണു എന്താണെന്ന് ചോദിച്ചാൽ പല പല മാറാരോഗങ്ങളെ പറ്റിയും മനസ് ഒന്ന്...

Read More
ഒരൽപ്പം മാലിന്യചിന്തകൾ...
Feb 27

ഒരൽപ്പം മാലിന്യചിന്തകൾ...

പരിസ്ഥിതി നശീകരണത്തെപറ്റിയും, മാലിന്യനിക്ഷേപങ്ങളെ പറ്റിയുമൊക്കെ വലിയ വായിൽ ആശങ്കപ്പെടുന്നവരാണ് നമ്മൾ മലയാളികൾ....

Read More
കാഴ്ച്ചയെക്കാൾ വേണ്ടത് ഉൾകാഴ്ച്ച... പ്രദീപ് പുറവങ്കര
Feb 26

കാഴ്ച്ചയെക്കാൾ വേണ്ടത് ഉൾകാഴ്ച്ച... പ്രദീപ് പുറവങ്കര

കാഴ്ച്ചയും ഉൾകാഴ്ച്ചയും രണ്ടാണ്. ആദ്യത്തേത് നഗ്നമായ നേത്രങ്ങൾ കൊണ്ട് കാണുന്നത്. കാണുന്നതെല്ലാം വിശ്വസിക്കാമെന്ന്...

Read More
അല്ലയോ കിട്ടേട്ടാ...
Feb 25

അല്ലയോ കിട്ടേട്ടാ...

എന്റെ നാട്ടിൽ പണ്ടൊരാളുണ്ടായിരുന്നു. കിട്ടേട്ടൻ എന്നാണ് വിളിച്ചിരുന്നത്. പകൽ വെറും പാവം. നിരുപദ്രവകാരിയായ മനുഷ്യൻ....

Read More
ആർക്കാണ് ഹേ മനുഷ്യാവകാശം...
Feb 24

ആർക്കാണ് ഹേ മനുഷ്യാവകാശം...

ഒരു ജനതയെ ദിവസങ്ങളോളം മുൾമുനയിലാക്കി ഇരുട്ടിന്റെ മറവിൽ ഒളിഞ്ഞിരുന്ന സമൂഹത്തിലെ നികൃഷ്ടജീവിയായ ഒരു ഗുണ്ടയെ...

Read More

4pm News, malayalam news, News Kerala, Malayalam News, GCC News, Bahrain News, Qatar News, Saudi News, Oman News, U.A.E News, Kuwait News, Sports News, Business News, Internatioal News, National News, Indian News, Business news.