Newsmill Media
LATEST NEWS:

ഇരകൾ...
19-Dec-2016


ഇരകൾ...

കവിത - ലിജു ചെറിയാൻ

നോവുന്ന പിടയുന്ന

അശാന്ത മനസുമായ്

മൂകമായൊരു കൂട്ടിൽ

തനിച്ചിരുന്നു അമ്മക്കിളി

ചിന്തതൻ‍ ലോകത്തു!

 

പള്ളിക്കുടം വിട്ടോടികിതച്ചു

പിഞ്ചോമന പൈതങ്ങൾ

അമ്മതന്നരികിൽ വന്നിരുന്നു

ചോദിച്ചു അമ്മേ അമ്മേ

ഞങ്ങളോടു പിണക്കമാണോ

എന്തേയൊന്നും മിണ്ടാത്തത്!

 

മൂന്നുനാൾ മുന്‍പേ വരെ

വഴിയോരത്ത് കാത്തുനിന്ന്

കൈപിടിച്ചു നടന്നു വീട്ടിലെത്തി

കുളിപ്പിച്ച് വസ്ത്രം ധരിപ്പിച്ച്

കഥ പറഞ്ഞൂട്ടിയ അമ്മക്കെന്തേ

ഈവിധം വേഷപകർച്ച!

 

നിഷ്കളങ്ക ചോദ്യങ്ങൾ

അലയടിച്ചീടുന്പോളൊന്നുമേ

ഉരിയാടുവാനാവാതെ

വിഭ്രാന്ത മനസുമായ് വിതുന്പുന്ന

അമ്മയെ തൊട്ടു തലോടി

പിടിച്ചു കുലുക്കി

കുരുന്നുകൾ

അലറിക്കരഞ്ഞുപോയ്‌!

 

എല്ലാംകണ്ടു വീട്ടിലേക്കെത്തിയച്ഛൻ

നൊന്പരം ഉള്ളിലൊതുക്കി

കുരുന്നുകളെ സ്വാന്ത്വനിപ്പിച്ചു

പറഞ്ഞു അമ്മക്കു സുഖമില്ല

സങ്കടപ്പെടുത്തീടല്ലേ നിങ്ങൾ

പോയി കുളിച്ച് ഉടുപ്പു മാറി

രോഗം ഭേദമായീടുവാൻ

പ്രാർത്ഥിച്ചീടുക മക്കളേ!

 

രണ്ടുനാൾ‍ മുന്‍പൊരു

പകൽ വേളയിൽ ക്രൂരരാം

വേട്ടനായ്ക്കൾ അമ്മതൻ

മാനം കവർ‍ന്നു പിച്ചിചീന്തി

കടന്നു കളഞ്ഞ നേരം

ഉമിത്തീ പോലെ നീറും മനസുമായ്

അഭയം തേടിയ നീതിവ്യവസ്ഥയോ

പണത്തിലും

രാഷ്ട്രീയ സ്വാധീനത്തിലും

വഴങ്ങീടവേ നിയമപാലകർ

ചോദ്യശരങ്ങൾ

തൊടുത്തു

ഭീഷണിസ്വരത്തിൽ ഭയപ്പെടുത്തി

തലകുനിച്ചുപോയ നിരാലംബരേ

പരാതി പിൻവലിപ്പിച്ച

നിർ‍ഭാഗ്യ പകൽകാഴ്ചകൾ

വീണ്ടും മനസിൽ‍ തെളിഞ്ഞീടവേ!

 

തെല്ലൊന്നു ശങ്കിച്ച താതൻ

പൊടുന്നനെ

വെട്ടുകത്തിയെടുത്തു

പുറത്തേക്കോടി

മദ്യത്തിന്‍ ഉന്മാദലഹരിയിൽ

ആർത്തുല്ലസിച്ചിരുന്നതാം

മനുഷ്യ മൃഗങ്ങളെ

വെട്ടിമണ്ണിലേക്കു വീഴ്ത്തി

മരണം ഉറപ്പാക്കിയശേഷം

തിരികെ വീട്ടിലേക്കു

വന്നുചേർ‍ന്നു!

 

മക്കൾ‍ക്കായ് കരുതിയ

ഒരുപിടിച്ചോറിൽ

കൈവിറച്ചു വിഷം കലർത്തവേ

വാക്കുകൾ‍ പതറി

കണ്ണുനിറഞ്ഞു

കുരുന്നുകളെയൂട്ടി ബാക്കിയായത്

അച്ഛനും അമ്മയുംപങ്കിട്ടു കഴിച്ചു

തിന്മതൻ ലോകത്തു നിന്ന്

നന്മതൻ തീരംതേടി

സ്വപ്നങ്ങൾ ബാക്കിയാക്കി

ഈ ഭൂമിയോടു വിടപറഞ്ഞീടുന്നു!

 

രൗദ്രഭാവത്തോട്

ആർത്തലച്ചൊരു

പെരുമഴ മുറ്റത്തു പെയ്തിറങ്ങി 

ജനാലകളെ ഇരുൾ

ഭിത്തിയാൽ ‍‍മറച്ചു

പ്രാണൻ വെടിഞ്ഞ നേരത്തു

ചൊരിഞ്ഞ

ശാപവാക്കുകൾ പതിച്ച

ഈ മണ്ണിലിനി ഒരുവസന്തം 

വന്നുചേർ‍ന്നീടുമോ മനുഷ്യാ

നിൻ ‍‍ക്രൂരത അവസാനിക്കും വരെ.!!




News Tracker


Follow us on


Related News

മദ്യം...
Apr 11

മദ്യം...

കവിത - രാജീവ് നാവായിക്കുളം മദ്യം മനുഷ്യന്റെ മരണം തുറക്കുന്നു  മരണം തുറക്കുന്നു മരണം തുറക്കുന്നു  മദ്യം...

Read More
നീ­യും ഞാ­നു­മെ­ന്ന് തി­രയു­ന്നേ­രം...
Apr 11

നീ­യും ഞാ­നു­മെ­ന്ന് തി­രയു­ന്നേ­രം...

കവിത - സോണിയ ഷിനോയ് നമുക്കിടയിൽ,  ചില കടലാഴങ്ങൾ  അഴിമുഖങ്ങളാകുന്നുണ്ട്  വലിച്ചു കീറിയ...

Read More
തായ്‌ വേ­രും... തണലും...
Apr 11

തായ്‌ വേ­രും... തണലും...

കഥ- ആഷ രാജീവ് ഓർമ്മകളുടെ വേലിയേറ്റത്തിൽ ഉരുകിയൊലിച്ച് പോയതൊക്കെയും ചികഞ്ഞെടുത്ത് കൂട്ടിവെയ്ക്കാൻ...

Read More
ആദ്യ  ശമ്പളം...
Apr 11

ആദ്യ ശമ്പളം...

കഥ - രാജേഷ് കോട്ടയം മോൾടെ ആദ്യത്തെ ശന്പളം ഇന്ന് കിട്ടുവാണല്ലോ. മകളെ പഠിപ്പിച്ച് ഒരു ജോലിയാക്കിക്കഴിഞ്ഞു.. ഇന്ന്...

Read More
ചതഞ്ഞരഞ്ഞ  പൂ­വു­കൾ
Apr 03

ചതഞ്ഞരഞ്ഞ പൂ­വു­കൾ

കവിത - ഷാജഹാൻ കെ.എം   ശത്രുവെന്ന് നിനച്ചീടരുതെന്നെ മിത്രമെന്ന് കരുതിയില്ലേലും കരുത്തിൽ കുറവുണ്ടതു...

Read More
വഞ്ചനയു­ടെ­ ബാ­ക്കി­പത്രം...
Apr 03

വഞ്ചനയു­ടെ­ ബാ­ക്കി­പത്രം...

കഥ - ബഷീർ വാണിയക്കാട്   രണ്ട് ദിവസമായി എന്തെങ്കിലും ഭക്ഷണം കഴിച്ചിട്ട്. ഇന്നെങ്കിലും ആരെങ്കിലും എന്തെങ്കിലും...

Read More
ബംഗാ­ളി­...
Apr 03

ബംഗാ­ളി­...

കഥ - വിനു ക്രിസ്റ്റി   ഷാർ....... അപരിചിതമായ ശബ്ദം കേട്ടിട്ടാണ് ഞാൻ ഉണർന്നത്. ഒരു ബംഗാളി വന്നു നിൽക്കുന്നു. ജോലിക്കു...

Read More
അമ്മ
Mar 26

അമ്മ

ചെറുകഥ - ജിൻസ് വി.എം ആ ദിവസം ഞാൻ ഒരിക്കലും മറക്കില്ല....., ഒരു വിദ്യാലയമാവുന്പോൾ നമ്മൾ ഒരുപാട് വിദ്യാർത്ഥികളെ...

Read More
തുരുത്ത്
Mar 26

തുരുത്ത്

ചെറുകഥ -  ജോർ‍ജ്ജ് വർ‍ഗ്ഗീസ് വളഞ്ഞ് പുളഞ്ഞ റെയിൽ‍ പാളങ്ങൾ‍ പാലക്കാടൻ ചുരമിറങ്ങിയപ്പോൾ‍ തണുത്ത കാറ്റ് വീശി....

Read More
അകലത്തെ­  നാ­രകമരം...
Mar 26

അകലത്തെ­ നാ­രകമരം...

കവിത - രാമചന്ദ്രൻ നായർ    വിദൂരതയിൽ നാരകമരം തളിർക്കുകയും പൂക്കുകയും ചെയ്‌തു അതിൻ്റെ കൗതുകം കാതങ്ങളോളം...

Read More

4pm News, malayalam news, News Kerala, Malayalam News, GCC News, Bahrain News, Qatar News, Saudi News, Oman News, U.A.E News, Kuwait News, Sports News, Business News, Internatioal News, National News, Indian News, Business news.